ನೀವೂ ಮನುಷ್ಯರೆ, ನಾವು ಮನುಷ್ಯರೇ. ನೀವು ಹೀಗೆ ನಮ್ಮ ಕಾಲು ಹಿಡಿದು ಚಪ್ಪಲಿ ತೊಡಿಸುತ್ತಿರುವುದು ನನ್ನ ಮನಸ್ಸಿಗೆ ನೋವಾಗುತ್ತಿದೆ ಎಂದು ಗ್ರಾಹಕ ಹೇಳಿದಾಗ ಈ ಅಂಗಡಿಯಲ್ಲಿ ಅದು ನನ್ನ ಕರ್ತವ್ಯ ಅಂಗಡಿಯ ಹೊರಗೆ ನೀವು ಕೋಟಿ ರೂಪಾಯಿ ಕೊಟ್ಟರೂ ನಿಮ್ಮ ಕಾಲು ಮುಟ್ಟುವುದಿಲ್ಲ, ಅಂಗಡಿಯಲ್ಲಿ ನೀವು ಒಂದು ರು. ಕೊಡದಿದ್ದರೂ ನಿಮ್ಮ ಕಾಲು ಮುಟ್ಟದೇ ಇರಲಾರೆ ಎಂದ.
ನಾವು ಮಾಡುವ ಕೆಲಸ ಚಪ್ಪಲಿ ಹಾಕುವುದಾದರೇನು ಅದು ನಮ್ಮ ವೃತ್ತಿಯಷ್ಟೇ. ಪ್ರಾಯಶಃ ಚಪ್ಪಲಿ ಇಷ್ಟವಾಗುವುದರ ಜತೆಗೆ ಅಂಗಡಿಯಾತ ನಡೆದುಕೊಂಡ ರೀತಿಗೆ ಗ್ರಾಹಕ ಇನ್ನೆಂದಿಗೂ ಅಲ್ಲಿಯೇ ಚಪ್ಪಲಿ ತೆಗೆದುಕೊಳ್ಳಬಹುದು. ಕೆಲಸ ಮಾಡುವುದೇ ಮುಖ್ಯವಲ್ಲ ಕೆಲಸ ಮಾಡುವಾಗ ನಮ್ಮ ನಡೆ ನುಡಿಗಳು ಹೇಗಿರುತ್ತವೆ ಎಂಬುದು ಬಹು ಮುಖ್ಯವಾಗುತ್ತದೆಯಲ್ವೆ.